PART 3
Mauria I Eden I Nao Mai Ni Fau’uta?
Ru oro lea ki na’a ne’e sa Jehova kwatea fuana sa Adam ma i Eve. Genesis 1:28
Sa Jehova sauṉani ‘afe eta eta ne’eri satana i Eve. Ni kwatea fuana sa Adam.—Genesis 2:21, 22.
Sa Jehova sauṉani kera’a ka to’o ana manatai ṉwae faini noni’iru ne’e saga.
Fanoa kera’a ne’e i Eden. Fanoa ne’e lisilana kwaṉaliu. Ni to’o ana tai kafo doe, faini ‘ai fuṉu ki, ma animal ki loṉo.
Sa Jehova ala’a fuada ro’o ma ka fa’amanatada ro’o loṉo. Di’ia kera’a kwairo’oe ana sa Jehova, kera’a ka mauri firi saena fanoa ne’eri.
Sa God lui’ia sa Adam ma i Eve fasi ‘anilana ‘ai ne’eri. Genesis 2:16, 17
Sa Jehova ka fa’atani fuana sa Adam ma i Eve ta’i ‘ai saena o’ola ne’eri. Ni ka fata uri, di’ia koro’o ‘ani fuana ‘ai ne’e, koro’o ke mae.
Ta’i angel ne’e ni aburoṉo ana sa God. Satana ne’e sa Saetan.
Sa Saetan noa’a kasi oga ne’e sa Adam ma i Eve kia kwairo’oe ana sa Jehova. Go’o ni ka leka mai ‘ani fai loi ka ala’a fuana i Eve. Ni saea di’ia oko ‘ania fuana ‘ai ne’e aesi mae go’o, ae di’ia lala sa God. Ma ni soke go’o.—Genesis 3:1-5.
