LUBASU 3
Ino Bukaalo Bwakalinga Buyani mu Paladaiso?
Yehova wakapa Adamu a Efa shintu shibotu shiinji. Matalikilo 1:28
Yehova wakalenga mwanakashi wakutanguna, Efa, akumupa kuli Adamu kwaamba ayi abe mukakwe.—Matalikilo 2:21, 22.
Yehova wakabalenga amiyeeyo alimwi amibili imaniniite itakalingocite bubiibi.
Bakalinga kukala mu Paladaiso, mumuunda wa Edeni—musena mwakalinga shintu shibotu abuumbi, mwakalinga mulonga, shisamu sha shisepo alimwi ashinyama.
Yehova wakalinga kwaamba ambabo; wakalinga kubeiisha. Ninga bakakutika kuli nguwe, ninga bakakala muyayaya mu Paladaiso pa cishi pano.
Matalikilo 2:16, 17
Lesa wakaamba ayi tabeelete kulyaako kucisamu comwi.Yehova wakabonesha Adamu a Efa cisamu comwi ca shisepo mumuunda akubaambila ayi na bakalyeeko ku shisepo sha cisamu ico, balaakufwa.
Womwi pa baangelo wakafutatila Lesa. Uyo muungelo mubiibi ngu Sataana.
Sataana takalingosuniwo ayi Adamu a Efa banyumfwile Yehova. Aboobo wakasebensesha nsoka kwaambila Efa ayi na walyaako ku cisepo, teeshi akafweewo sobwe, ono ulaakuba anga ngu Lesa. Ncakwiila, ubo bwakalinga bubeshi.—Matalikilo 3:1-5.