CHIHANDA 3
Uno Kuyoya Chapwile Ngachilihi muPalachise?
Yehova ahanyine Alama naEve vyuma vyamwaza vyavivulu. Kuputuka 1:28
Yehova atengele pwevo watete Eve, nakumuhana kuli Alama kupwa puwenyi.—Kuputuka 2:21, 22.
Yehova avatengele navishinganyeka namijimba yakukupuka, yakuhona katenga.
Limbo lyavo lyaPalachise lyapwile milemba yaEtene, kaha chihela kana chapwile chamwaza chatulwiji, namitondo yamihako, natunyama.
Yehova ahanjikilenga navo nakuvanangula. Nge vevwililile kuli ikiye, kachi vayoyele haya myaka yosena muPalachise hano hamavu.
Kalunga avakanyishile kulya kumutondo umwe kaha. Kuputuka 2:16, 17
Yehova alwezele Alama naEve mutondo wamihako umwe wapwile muze mumilemba nakuvalweza ngwenyi nge navalyako, kaha navafwa.
Kangelo umwe alikangile kuli Kalunga. Uze kangelo wakuhuka ikiye Satana Liyavolo.
Satana kazangile Alama naEve vononoke Yehovako. Ngocho azachishile linoka alweze Eve ngwenyi nge mwalya kumuhako wakumutondo kana, kaha keshi kufwako oloze mwapwa nge Kalunga. Awa apwile himakuli sulumunu.—Kuputuka 3:1-5.
Pamo Nauzanga Nawa
ESSENTIAL BIBLE TEACHINGS
Mwomwo Ika Kalunga Atengelele Mavu?
Kaye ketu kapwa kamwaza chikuma. Katwama kwakusuku nalikumbi, kaha vakaseteka kanawa, keji kunyengumukanga chindende chindende. Mwomwo ika Kalunga atengelele mavu mujila kaneyi?
