PART 3
To La i La Fanua Falu Ba Tha Adam Bia Ni Eve Kero Toto Iei e Ufita?
Tha Jehovah e falea do lea oro ki i fatha Adam bia ni Eve. Genesis 1:28
Kwaina tha Adam, ni Eve, nia ṉa kini totolenao natha Jehovah e thauṉania sui ka falea i fatha Adam.—Genesis 2:21, 22.
Asi maṉa tha Jehovah e thauṉai keroa, manatada roa bia se’eda roa e laulau te’efau.
Fanu keroa naṉa o’ole ai eri i Eden. Kula eri e falu bia ka lea mamana bo’o, e to ana kafo baita, ai ni ani lana ki, bia ṉa do maruki ki.
Tha Jehovah e u’unu bi keroa maka to’odo i sadaroa. Masa keko roṉo suli nia, keroa keki to tatha i la fanua falu eri i fanua nei iano.
Tha God e lufia kesi ania foana te’e ai ana ai eki. Genesis 2:16, 17
Te’e angel ana angel ki e ila bia tha God. Angel ta’a eri natha Satan tha Devil.
Tha Jehovah e fatainia i satha Adam bia ni Eve te’e ai i la o’ole ai ba. Nia ka fa’aroṉo keroa, masa keko ania foana ai eri keroa keki mae.
Tha Satan e ai si thathamia tha Adam bia ni Eve keki roṉo uria tha Jehovah. Adelana bo’o nia ka aruto’ona te’e loi ka fa’aroṉoa ni Eve, masa ka ania foana ai eri nia saka mae e ai, ma nia kai uria tha God. Si baea eri e ai si mamana.—Genesis 3:1-5.
