FAOSATÖ 3
Hewisa Waʼauri ba Waradaiso Andrö?
Oya howu-howu nibeʼe Yehowa khö Gadamo ba Khawa. 1 Moze 1:28
Ifazökhi ndra alawe siföföna Yehowa, yaʼia daʼö Khawa, ibeʼe khö Gadamo si tobali foʼomonia.—1 Moze 2:21, 22.
Moʼahonoa wamazökhi Yehowa yaʼira, he boto hegöi fangera-ngerara.
Ba Waradaiso toröi ira, yaʼia daʼö Kabu Edena—nahia si sökhi sibai, so nungo nidanö, so geu sowua, awö ngawalö gurifö.
Fahuhuo khöra Yehowa, ifahaʼö ira. Na lafondrondrongo linia, auri ira sagötö faʼara ba gulidanö Faradaiso.
Itegu ira Lowalangi wemanga bua geu si so ba dalu kabu. 1 Moze 2:16, 17
So samösa ba gotalua ndra malaʼika zolawa Lowalangi. Malaʼika si lö sökhi sotöi Afökha Satana.
Itegu Gadamo ba Khawa Yehowa wemanga bua geu si so ba dalu kabu. Na laʼa, hasambalö mate ira.
Lö omasi Zatana na laʼoʼö li Yehowa ira Adamo ba Khawa. Börö daʼö, iʼogunaʼö gulö wahuhuosa khö Khawa na iʼa mbua geu andrö, lö mate ia, tobali ia simane Lowalangi. Tatu manö, falimosa daʼö.—1 Moze 3:1-5.
Te Göi Adöni Dödöu
ESSENTIAL BIBLE TEACHINGS
Hadia Gohitö Dödö Lowalangi Wa Ifazökhi Gulidanö?
Afönu faʼasökhi gulidanö. Tefaudu sibai gotaluania moroi ba haga luo ba tefaudu göi waʼamanaerenia hegöi faʼatefutania. Hana wa iʼehaogö sibai wamaʼanö ulidanö Lowalangi?
SURA NI’AMONI’Ö—HADIA NÖSINIA?
Ibe’e Waradaiso Lowalangi ba Niha
Hadia niwa’ö Zura Ni’amoni’ö sanandrösa me iwöwöi niha Lowalangi? Hadia manö niwa’ö Lowalangi ba niha si föföna?
