ONTHELE 3
Ovanthu Motyitaka tyo Endene Ankho Vekahi Ñgeni?
O Andau na Eva Siovaa wevepele ovipuka ovinyingi oviwa. Ehimbikilo 1:28
Siovaa watungile omukai wo tete utiwa o Eva, emupe Andau akale omukai wae. — Ehimbikilo 2:21, 22.
Siovaa wevetungile umwe nawa tyehena onkhali, pehena apa akambesile.
Ankho vakala motyitaka tyo Endene, motyilongo tyimwe tyikahi nawa tyina onondongi, novinyango, novinyama.
Siovaa ankho utomphola navo nokuvelongesa. Ine vemutavelele, ñgeno vakala-ko apeho pano pohi.
Huku weveilikile vahalie komuti wike. Ehimbikilo 2:16, 17
Oandyu imwe ombi aityitukila-po Huku. Oandyu oyo o Satanasi Eliapu.
Siovaa walekesile o Andau na Eva omuti umwe wiima ovinyango, evepopila okuti okulia-ko mamunkhi.
Satanasi kahandele o Andau na Eva vetavele Siovaa. Atumu onyoka ikapopile Eva okuti ine alia kotyinyango oko, kamankhi, makala nga Huku. Mahi otyo apopia omatutu. — Ehimbikilo 3:1-5.
Hamwe Noove Uhanda
ESSENTIAL BIBLE TEACHINGS
Omokonda yatyi Huku atungila Ohi?
Ohi ongwa unene. Ohi nekumbi Huku wevipakela otyikambo tyimwe, ohi iliseta-seta monkhalelo ikahi nawa, ine yapola pokati. Omokonda yatyi Huku alingila ononkhono ononene opo atunge ohi monkhalelo yehiwa unene ngetyi?
