ଯିହୋବା ପ୍ରଥମ ସ୍ତ୍ରୀଙ୍କୁ ସୃଷ୍ଟି କଲେ ଏବଂ ତାହାଙ୍କ ନାମ ହବା ରଖିଲେ। ତାʼ ପରେ ଈଶ୍ୱର ସେହି ସ୍ତ୍ରୀଙ୍କୁ ଆଦମକୁ ପତ୍ନୀରୂପେ ଦେଲେ।—ଆଦିପୁସ୍ତକ ୨:୨୧, ୨୨.

ଯିହୋବା ସେମାନଙ୍କୁ ସିଦ୍ଧ ମସ୍ତିଷ୍କ ଓ ସିଦ୍ଧ ଶରୀର ଦେଇ ସୃଷ୍ଟି କଲେ। ସେମାନଙ୍କଠାରେ କୌଣସି ତୃଟି ନଥିଲା।

ସେମାନେ ଏଦନ ଉଦ୍ୟାନରେ ରହୁଥିଲେ। ଏହି ଉଦ୍ୟାନଟି ଅତି ସୁନ୍ଦର ଥିଲା ଏବଂ ସେଥିରେ ନଦୀ, ଫଳବନ୍ତ ବୃକ୍ଷ ଓ ବିଭିନ୍ନ ଜୀବଜନ୍ତୁ ଥିଲେ।

ଯିହୋବା ସେମାନଙ୍କ ସଙ୍ଗେ କଥାବାର୍ତ୍ତା କରୁଥିଲେ ଏବଂ ସେମାନଙ୍କୁ ଶିକ୍ଷା ଦେଉଥିଲେ। ଯଦି ସେମାନେ ତାʼଙ୍କ କଥା ଶୁଣିଥାନ୍ତେ, ତେବେ ପାରାଦୀଶରେ ଚିରଦିନପାଇଁ ରହି ପାରିଥାନ୍ତେ।

ଜଣେ ସ୍ୱର୍ଗଦୂତ ଯିହୋବାଙ୍କ ବିରୁଦ୍ଧରେ ଗଲେ। ସେହି ଦୁଷ୍ଟ ସ୍ୱର୍ଗଦୂତ ହେଲା ଶୟତାନ।

ଯିହୋବା ଆଦମ ଓ ହବାଙ୍କୁ ଗୋଟିଏ ବୃକ୍ଷ ଦେଖାଇ କହିଲେ ଏହାର ଫଳ ଖାଇବ ନାହିଁ, ଯଦି ଖାଇବ ତେବେ ତୁମେ ନିଶ୍ଚୟ ମରିବ।

ଶୟତାନ କେବେ ଚାହୁନଥିଲେ ଯେ ଆଦମ ଓ ହବା ଯିହୋବାଙ୍କ କଥା ଶୁଣନ୍ତୁ। ତେଣୁ ଶୟତାନ ସାପ ଦ୍ୱାରା ହବାଙ୍କୁ କହିଲେ ଯଦି ସେ ସେହି ବୃକ୍ଷର ଫଳ ଖାଏ, ତେବେ କେବେ ବି ମରିବ ନାହିଁ ବରଂ ଈଶ୍ୱରଙ୍କ ତୁଲ୍ୟ ହେବ। କିନ୍ତୁ ଏହା ସମ୍ପୂର୍ଣ୍ଣ ମିଥ୍ୟା ଥିଲା।—ଆଦିପୁସ୍ତକ ୩:୧-୫.