PART 3
Vi Voah Layva in da Goahra-Ayden?
Jehova hott da Adam un di Ayfaw alles gevva es si gebraucht henn. 1 Mosi (Genesis) 1:28
Es eahsht veibsmensh es Gott gmacht hott voah di Ayfaw, en fraw fa da Adam.
Jehova hott si perfect gmacht in meind un leib, si voahra unni faylah.
Iahra haymet voah da Goahra-Ayden, en Paradise. Sell voah en oahrichah shaynah blatz mitt en revvah, frucht baym, un animals.
Jehova hott kshvetzt zu si un eah hott si gland. Vann si layva vella fa’immah in di Paradise uf di eaht, missa si abheicha zu een.
Gott hott ksawt fa nett essa funn ayns funn di baym. 1 Mosi (Genesis) 2:16, 17
Jehova hott da Adam un di Ayfaw ay bohm gvissa im goahra. Eah hott si ksawt fa nett’s frucht essa funn sellah bohm so es si nett shtauva.
Ayns funn di engel is geyyich Gott gedrayt. Sellah veesht engel is da Satan.
Da Satan hott nett havva vella es da Adam un di Ayfaw Jehova heicha. Eah hott en shlang gyoost fa di Ayfaw sawwa vann see di frucht est funn da bohm zayld see nett shtauva un see zayld vadda vi Gott. Avvah sell voah en leek.
Du Mechsht aw Dess Gleicha
ESSENTIAL BIBLE TEACHINGS
Favass Hott Gott di Eaht Gmacht?
Di eaht is reeli shay. Eah hott di eaht in di recht distance gedu funn di sunn, ‘sis grawt an da recht angle, un’s rohtayt an di recht shpeet. Favass hott Gott so feel effort nei fa di eaht macha?
