BUE 3
Ne Paradise Asetena te Sɛɛ?
Yehowa mane Adam ne Hawa nningyein paa pẽe. Asomafoɛ 17:25
Brasua bɔ oli moa bɔ Yehowa bɔle ye ne yeɛ ole Hawa, na ɔfale ye mane Adam kyɛ ɔye.—Marko 10:6, 7.
Yehowa bɔle bɛ ne, né b’adwene ne bɛ nipadua di mu.
Né bɛ Paradise awuro ne yeɛ ole Eden turo. Né nzue bɔ ɔla berɛ, nnuaba ne ngaka bɔ bɛwɔ berɛ ne ma ɛberɛ yɛ nyemene.
Yehowa dwudwo hyirɛle bɛ, na ohyirehyirɛle bɛ. Sɛ betiele ye a, ahãa bɛkɔtena ase daa wɔ Paradise aseɛ so.
Nyameɛpiri hã hyirɛle bɛ kyɛ nnɛmaa bedi aduaba kõ bie. Genesis 2:16, 17, NWT
Yehowa hyirɛle Adam ne Hawa aduaba kõ bie wɔ Eden turo nanu, na ɔhã hyirɛle bɛ kyɛ sɛ bɛte bie bedi a bekowu.
Abɔfoɛ nanu kõ tele Nyameɛpiri so atua. Sɔ bɔfoɛ ne yeɛ ole Satan Abɔnzam.
Né Satan nguro kyɛ Adam ne Hawa kotie Yehowa. Yesɔ ti, ɔnate ewoo so hã hyirɛle Hawa kyɛ, sɛ odi aduaba ne bie a, ongowu na ɔkɔyɛ kyɛ Nyameɛpiri. Nakoso, né ɔlakalaka bɛ.—1 Timoteo 2:14.
Wɔnye Kɔgye Ɛhe Koso Nwo
ESSENTIAL BIBLE TEACHINGS
Nzuati Yeɛ Nyameɛpiri Bɔle Aseɛ Ne Ɔ?
Y’aseɛ ne yɛ nyemene paa. Bafa aseɛ ne basĩnze nekaa páa bɔ eyia ngɔhora ngɔzɛkye ye ɔ, ɛhe ti ɔkora pɛ yenwo kyɛbɔ okuro biala bɔ hwee nzi y’atẽe ɔ. Nzuati yeɛ Nyameɛpiri lɛle mmerɛ bɔle aseɛ ne kama sɔ ɔ?
