KIPAANDE 3
Bukose Buali Siani ku Ntendeko mu Paradiso?
Yehova wabapeele ba Adamu ni Eva biintu biingi biaweeme. Kuteendeka 1:28
Yehova wabumbile muanakazi wa mambo, lina liakue Eva, ni kumupeela Adamu kuba wali mukazi wakue.—Kuteendeka 2:21, 22.
Yehova wababumbile bali ni maano, ni mibili ya puililikile (yakamilikile), te kuba baali na bulema.
Adamu ni Eva bali baikele mu bukaba bua Edeni, bubaanga buakutua Paradiso—Muali muaweeme saana, muali bimuti bia mazabo, mienzi, ni baanama.
Yehova wabanga walaanda nabo ni kubasambilizia. Kabeenge bamutuilizie, nga baikeele loonse mu paradiso pa Kialo.
Leeza wakanizie kulia mazabo a ku kimuti kimo. Kuteendeka 2:16, 17
Malaika umo, wasangulukile kuli Leeza. Ozo malaika mubi, wakuutua Sataana Kibanda.
Mu bukaba, Yehova wabalangisizie ba Adamu ni Eva kimuti kimo kia mazabo, ni kubaana eevi: “Kine mualiako, muakafua.”
Sataana, taatonene kunti Adamu ni Eva bamuunvue Yehova. Eevi, wabonvizie kizoka kimuane Eva nangue: Kine walia buzabo kufuma ku kimuti, te ukafua, inzi, wakaba nga Leeza. Bobo, buali ni bufi kisiinka.—Kuteendeka 3:1-5.
Paange uli Kutona ni Eezi Mpunda
MASAMBILIZIO A BIBILIA A MUSINZI
Sababu ya ki Leeza Wabumbile Kyalo?
Kyalo kyetu kizuzimo bintu bifuaniine saana. Wakibiikile pa fuasi pafuaniine ni kwikeele kooba, kitingikilue buino saana, kabili ni lwendo lwakue lwa kuzyunguluka lupalile. Sababu yaki Leeza wapoozeleko saana maano pa kubumba kyalo?
