BAHAGI 3
Ano ang Buhay Noon sa Paraiso?
Binigyan ni Jehova ng maraming mabubuting bagay sina Adan at Eva. Genesis 1:28
Ginawa ni Jehova ang unang babae, si Eva, at ibinigay siya kay Adan para maging asawa nito.—Genesis 2:21, 22.
Perpekto ang kanilang isip at katawan; wala silang kapintasan.
Ang Paraisong tahanan nila ay ang hardin ng Eden—isang napakagandang lugar na may mga ilog, puno, at hayop.
Nakikipag-usap sa kanila si Jehova; tinuturuan niya sila. Kung makikinig sila sa kaniya, mabubuhay sila magpakailanman sa Paraiso sa lupa.
Ipinagbawal ng Diyos na kainin ang bunga ng isang puno. Genesis 2:16, 17
Ipinakita ni Jehova kina Adan at Eva ang isang puno sa hardin at sinabing kapag kinain nila ang bunga nito, mamamatay sila.
Isa sa mga anghel ang nagrebelde sa Diyos. Ang masamang anghel na iyon ay si Satanas na Diyablo.
Ayaw ni Satanas na sumunod sina Adan at Eva kay Jehova. Kaya gumamit si Satanas ng ahas para sabihin kay Eva na kung kakainin niya ang bunga ng punong iyon, hindi siya mamamatay at magiging gaya pa nga siya ng Diyos. Siyempre, hindi totoo iyon.—Genesis 3:1-5.
Magugustuhan Mo Rin
MAHAHALAGANG TURO NG BIBLIYA
Bakit Ginawa ng Diyos ang Lupa?
Punong-puno ng napakagagandang bagay ang mundo. Eksaktong-eksakto ang distansiya nito mula sa araw, ang pagkakahilig nito, at ang bilis ng pag-ikot nito. Bakit gusto ng Diyos na pagandahin nang husto ang lupa?
ANG BIBLIYA—ANO ANG MENSAHE NITO?
Gumawa ang Diyos ng Paraiso Para sa Tao
Ano ang sinasabi ng Bibliya tungkol sa paglalang sa mga tao? Anong mga utos ang ibinigay ng Diyos sa unang mag-asawa?
