ẸBẸRE 3
Mavọ Akpeyeren Vwevunrẹ Ogba rẹ Idẹn Hepha?
Jihova vwẹ erọvwọn iyoyovwin buebun kẹ Adam vẹ Ivi. Jẹnẹsis 1:28
Jihova ma aye rẹsosuọ, Ivi, ọ da vwọ kẹ Adam rere ọ dia aye rọyen.
Jihova ma ayen vẹ ẹwẹn kugbe ugboma rọ vwa gbagba, ro vwo oshechọ vuọvo-o.
Ogba rẹ Idẹn ọyen uwevwin rayen
Jihova tota kẹ ayen; o yono ayen. Ọ da dianẹ ayen kerhọ jovwo, manẹ kẹ ayen a dia bẹdẹ vwẹ Ogba rẹ Idẹn rọhẹ otọrakpọ na.
Ọghẹnẹ tare nẹ a ria ọvo usun rẹ irhe na-a. Jẹnẹsis 2:16, 17
Jihova dje urhe ọvo rọ mọ emamọ vwẹ ogba na kẹ Adam vẹ Ivi ọ da vuẹ ayen tanẹ ayen da re omamọ rọyen kẹ ayen ghwu.
Ọvo usun rẹ emekashe na vwọ so Ọghẹnẹ. Amakashe umwemwu yena ọyehẹ Eshu Idẹbono na.
Eshu guọnọre nẹ Adam vẹ Ivi nyẹme ri Jihova-a. Ọ da womarẹ ọrọdekọ vuẹ Ivi tanẹ ọ da re omamọ rẹ urhe na, o che ghwu-u, ẹkẹvuọvo kọ cha dia kerẹ Ọghẹnẹ. Oborọhepha, ọyena ofian.
Wọ je sa Fuẹrẹn
ESSENTIAL BIBLE TEACHINGS
Diesorọ Ọghẹnẹ Vwọ Ma Akpọ Na?
Akpọ na vọnre vẹ ekuakua ri vwo erhuvwu. O sherabọ yẹrẹ kẹre nọ kẹ ọnre na-a, ekion rọyen je ghwa amu. Diesorọ Ọghẹnẹ vwọ nabọ ghwọrọ ọke vwọ ma akpọ na yoyovwin?
BAIBOL NA—OVUẸ VỌ YEHẸ EVUN RỌYEN?
Ọmemama Na Kẹ Ihworakpọ Iparadaisi
Mavọ yen Baibol na djisẹ rẹ obo ra ma ihworakpọ wan? Erhọ yen iji rẹ Ọghẹnẹ vwọ kẹ ihworakpọ rẹsosuọ?
