Eve na the first woman wey Jehovah make. Then e give Eve to Adam as e wife.​—Genesis 2:21, 22.

When Jehovah make them, they no get any sin, and they no de make mistake.

Jehovah put them for garden of Eden wey be paradise. The place really fine, e get clean water, fine-fine tree, and plenty animal.

Jehovah de talk with them, and de teach them. If they do wetin Jehovah talk, they go live forever for Paradise.

Jehovah show Adam and Eve one tree for inside the garden. This tree get fruit. Jehovah tell them say if they chop fruit from the tree, they go die.

One angel turn against God, that wicked angel na Satan the Devil.

Satan no want make Adam and Eve obey Jehovah. So Satan use snake tell Eve make e chop fruit from that tree, say if e chop-am, e no go die, but e go be like God. But Satan lie.​—Genesis 3:1-5.