ROMNHIHÖDÖ 3
E niha aré dahöimanadzé hã Ro Ĩwẽ ãma hã.
Jeová Adão duré Eva ma, ma tãma anhomri dzahuré marĩ ĩwẽ. Gênesis 1:28; Atos 17:25
Jeová ma potoꞌrata piꞌõ, Eva, duré ma Adão ma titsõ ĩmro da hã. — Marcos 10:6, 7.
Jeová ma ĩtsimirotsaꞌrata duré ĩhöiba poto dzahuré upai ãna.
Ĩtsõrõwa dzahuré aré Ro Ĩwẽ Éden na ĩtsitsi hã — ro ĩwẽ uptabi, ö ré hã, wedeꞌrã norĩ ré hã duré abadze norĩ.
Jeová te te tãma ꞌre robdzanhamri dzahuré duré te te tãma ꞌre rowahutu dzahuré. Te te wapari dzahuré ꞌwaꞌöhã, te aré ꞌre höimana uꞌötsi dzahuré mono Ro Ĩwẽ ãma Tiꞌai ãma.
Höimanaꞌuꞌö te tãma nharĩ dzahuré: ‘ꞌRẽne aba tõ mitsi wedeꞌrã.’ Gênesis 2:16, 17
Jeová Adão duré Eva ma, ma tô tãma watsuꞌu dzahuré mitsi wedeꞌrã ro ĩwẽ ãma. Te tãma nharĩ dzahuré: ‘Robꞌrã ꞌrẽne aba tõ, atöꞌö aba tõ da.’
Mitsi dawatsuꞌuꞌwa ma tiwatsété Jeová dzada. Ta hã dawatsuꞌuꞌwa ĩwatsédé hã Satanás, Waꞌuburé.
Satanás te te tsima wẽ õ di Adão duré Eva te te wapari dzahuré da Jeová hã. Taha wa, ma pibu wahi te te Eva ma nharĩ da: ‘Robꞌrã ꞌrẽne wamhã, atöꞌö õ di dza, tadzahã, a hã dza Höimanaꞌuꞌö ne. Tane nherẽ, ã hã tô tsenai õ di.’ — Gênesis 3:1-5; 1 Timóteo 2:14.
Ãté aima wẽ di dza taha na duré
ROPOTOꞌWAI MREME NHIMIROWAHUDU ĨPIRE
E marĩ wa Höimanaꞌuꞌö ma tô poto Tiꞌa hã
Uburé marĩ norĩ Tiꞌai ãma hã wẽ uptabi di. Ma tô titsã bödö dzadzéb ĩbö, duré Tiꞌa dzadzéb ĩbö wahöimanadzéb dzaꞌra da, duré Tiꞌa aiwĩrĩ uꞌötsi ĩbö. E marĩ wa Höimanaꞌuꞌö tsada ꞌre tsiptete te te poto da Tiꞌa ĩwẽ uptabi.
