ZƐŊ LƐƐI 3
Fúlu-laa È Kɛ Léŋ Paredai ?
Ziova e sɛŋ lɛ́lɛɛ támaa tɛɛ Adaŋ da Iî pɔ. Zɛnɛse 1:28
Ziova e Iî kpɛtɛ a nɛnîi maa-ŋuŋ, é dɛɛ Adaŋ pɔ à gɛ́ɛ é kɛ́ a ŋɔnɛnî.
Ziova e di kpɛtɛ a kili-ŋá-sia da kpono maa-waa nyii pɔ́ɔ fe kɛ ni mai.
Di kɛ̂i ɓe kɛ́ a Idɛŋ sûai su nyii kɛ́ paredai
Ziova a káa lóno dípɔ; gɛ mɛni ŋa lɛ́ dia. Èi kɛ́i dîi diwóli tɔɔ̂i Ziova ma dîi kɛ̀i paredai wɔlɔ-wɔlɔ da wɔlɔ-wɔlɔ.
Ɣâla e mo dia à gɛ́ɛ dife ŋwurui dɔnɔ ɓá miî. Zɛnɛse 2:16, 17
Ziova è wuru tɔnɔ lɛ́ Adaŋ da Iî dia nyii kɛ zûai su, é mo dia à gɛ́ɛ da m̀á miî da pai saai.
Ŋâla-taa kelai dɔnɔ e kula Ɣâla woo mu e tɔ́ɔ Ɣâla ma. Ŋwana-lɔɔ kelai tí ɓa Sêtɔŋ nyii gaa a Dɛ̂ɓele.
Sêtɔŋ fe kɛ ni ŋwɛ̂lii à gɛ́ɛ Adaŋ da Iî di Ziova wóo mɛni. Nya ɓe è tɛɛ kali kponoi é lóno Iî pɔ nyɛɛ ma ya ŋwuru ɓai ŋí miî ife pai saai, kɛ́lɛ ya pai kɛi yɛ̂ɛ Ɣâla. Kɛ́ɛ ŋ̀óo e kɛ a lɛɛ.
Ya Pɔri Ŋɔnɔ Mɛni-ŋai Ŋi Maa-kɔrii
ESSENTIAL BIBLE TEACHINGS
Ɣâla È Ǹɔii Kpɛtɛ Lé Mɛni Ma?
Kúɣeniɛi laa fɛɛi a sãa pɔ̃yɛ lɛ́lɛɛ támaa. Maa kôya pere lɛ́lɛɛ vóloi ma, ŋáloŋ a kpɔŋ maa tɛɛ ǹɔii pɔ́ à gɛ́ɛ fólo laa kɛ̀ ɓó, tuna ya tãi kɛ̀ pa, nyaŋ a tínaŋ a ǹɛ́lɛɛ. Lé mɛni ɓé Ɣâla è díi kpanaŋ kɛ́ɛ ŋí kɛ̀ la à gɛ́ɛ é ǹɔii lɛ́lɛɛ ŋí kpɛtɛi?
