APÁ 3
Báwo Ni Ìgbésí Ayé Ṣe Rí Nínú Ọgbà Édẹ́nì?
Àìmọye nǹkan rere ni Jèhófà fún Ádámù àti Éfà. Jẹ́nẹ́sísì 1:28
Jèhófà dá Éfà tó jẹ́ obìnrin àkọ́kọ́, ó sì fà á lé Ádámù lọ́wọ́ pé kó fi ṣe aya.—Jẹ́nẹ́sísì 2:21, 22.
Nígbà tí Jèhófà dá wọn, ó fún wọn ní ọpọlọ pípé àti ara pípé, wọn ò ní àbùkù kankan rárá.
Ọgbà Édẹ́nì ni ilé wọn, ọgbà tó lẹ́wà gan-an ni. Odò, àwọn igi eléso àti àwọn ẹranko wà níbẹ̀.
Jèhófà máa ń bá wọn sọ̀rọ̀; ó máa ń kọ́ wọn lẹ́kọ̀ọ́. Tí wọ́n bá tẹ́tí sí ọ̀rọ̀ rẹ̀, wọ́n á wà láàyè títí láé nínú Párádísè lórí ilẹ̀ ayé.
Ọlọ́run sọ pé wọn kò gbọ́dọ̀ jẹ èso ọ̀kan lára àwọn igi tó wà nínú ọgbà náà. Jẹ́nẹ́sísì 2:16, 17
Jèhófà fi igi eléso kan tó wà nínú ọgbà náà han Ádámù àti Éfà, ó wá sọ fún wọn pé tí wọ́n bá jẹ èso rẹ̀, wọ́n máa kú.
Ọ̀kan lára àwọn áńgẹ́lì ṣọ̀tẹ̀ sí Ọlọ́run. Sátánì Èṣù ni áńgẹ́lì búburú yẹn.
Sátánì ò fẹ́ kí Ádámù àti Éfà gbọ́ràn sí Jèhófà lẹ́nu. Nítorí náà, ó lo ejò kan láti sọ fún Éfà pé tó bá jẹ èso igi náà, kò ní kú, ṣe ló máa dà bí Ọlọ́run. Ó dájú pé irọ́ ni Sátánì pa.—Jẹ́nẹ́sísì 3:1-5.
O Tún Lè Wo
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Ni Ìdí Tí Ọlọ́run Fi Dá Ayé?
Ayé yìí rẹwà gan-an ni. Kò sún mọ́ oòrùn jù, kò sì jìnnà sí i jù, ibi tó yẹ gẹ́lẹ́ ló rọra dagun sí, ńṣe ló sì ń yípo ní ìwọ̀n tó yẹ gẹ́lẹ́. Kí nìdí tí Ọlọ́run fi dá ayé lọ́nà tó dára tó bẹ́ẹ̀ tó sì tún ṣe ọ̀pọ̀ nǹkan ribiribi sínú rẹ̀?
KÍ LÓ WÀ NÍNÚ BÍBÉLÌ?
Ẹlẹ́dàá Dá Èèyàn Sínú Párádísè
Báwo ni Bíbélì ṣe ṣàlàyé bí Ọlọ́run ṣe dá èèyàn? Àṣẹ wo ni Ọlọ́run pa fún tọkọtaya tó kọ́kọ́ dá?
