Aˇ tsehˆ 4
Aˬ yawꞈ nyaꞈ Saˬdaˬ dawˬ naˇ haˬ miˇ neh aˬ joˆ-ehˇ pyeuꞈ-a?
Aˬdaˬ hawˇ Eˇbaˆ Miˬ yehˇ dawˬ maˬ naˇ haˬ-eu miˇ neh, aˬ yawꞈ nyaꞈ shiˇ-eu meh. Aˇdahˬbeh-eu 3:6, 23
Eˇbaˆ aˇ lawˇ dawˬ naˇ haˬ-awˇ aˇ siˬ pyaˆ dzaˬ-eu meh. Aˬdaˬ-ahˇ k’awꞈ biꞈ dzaˬ-eu meh.
Aˬ yawꞈ nyaꞈ Miˬ yehˇ dawˬ maˬ naˇ haˬ-eu miˇ neh iˬ baˇ mˇ-eu jeˬ pyeuꞈ-eu meh. Miˬ yehˇ aˬ yawꞈ nyaꞈ-ahˇ Eˬdeˬ yaˇ kmˇ-ahˇ neh teh doˆ-eu meh.
Aˬ yawꞈ nyaꞈ hawˇ-eu zaˬ deuˬ jiˇ ni shaˬ-eu zahˬ-eu jeˬ-ahˇ ya tahˬ puˬ-eu meh. Aˬ yawꞈ maꞈ mawˬ iˇ-awˇ ya shiˇ-eu meh. Aˬ yawꞈ maꞈ saꞈ laˇ miˇ k’ahˬ-ahˇ maˬ iˇ-a. Aˬ yawꞈ maꞈ tiˬ gaˇ iˬ maˬ jawˇ iˇ-a.
Shiˇ dzeuˇ naˇ miˇ tsaˬ pyeuꞈ k’oꞈ iˇ meh. Aˇdahˬbeh-eu 3:19
Aˬ dui maꞈ Aˬdaˬ hawˇ-eu Eˇbaˆ-euˬ oeˬ paˬ oeˬ ma miˇ neh ya shiˇ-eu meh. Tsawˇ haˬ shiˇ naˇ maˬ mawˇ nya maˬ naˇ haˬ nya tiˬ jeˬ-iˬ maˬ mˇ nya.—Dawˬtsoˆtsoˆ-eu 9:5, 10.
Yeˬhawˇbaˬ tsawˇ haˬ-ahˇ maˬ bi shiˇ mawꞈ-a. G’awˬ myahˇ maˬ g’eh-ehˇ Miˬ yehˇ-aˬ shiˇ taˬ-eu deuˬ-ahˇ bi g’oꞈ dehꞈ laˇ-eu meh. Aˬ yawꞈ ha Miˬ yehˇ dawˬ naˇ haˬ naˇ mˬ maˬ maˬ byaˆ zaˇ ziˇ ya dehꞈ meh.
