RUHA 4
Nke vya shorokiro opo va teghelilire kwaSatana?
Adamu naEva kapi va teghelilire kwaKarunga mpo va fire. Genesis 3:6, 23
Eva kwa teghelilire kuliyoka makura a li nyango. Muruku, a pa ko Adamu naye a lye.
Ovyo va ruwanine ne ndjo. Karunga mpo a va tjidire mo muParadisa.
Liparu kwa va ditopilire navana vavo. Vavo kwa kurupire nakufa. Vavo kapi va yendire muliwiru, va shayikire kuparuka.
Vafe kwato liparu, vavo yira mbundu yalivhu. Genesis 3:19
Vantu kufa morwa navantje vamuruvharo rwaAdamu naEva. Vafe kapi va tu monanga nakutuyuva shi ndi va ruwane vintu.—Muudisi 9:5, 10.
Kapishi shitambo shaJehova ashi vantu va fe. Ntaantani tupu nga ka vhumbure vafe kuliparu. Ntjene ngava tegherere kwendi, ngava ka paruka naruntje.
