PARTE 4
¿Keräipa tekove jae reta oendu güire Satanáspe?
Adán jare Eva omano reta oenduä yandeRu iñee ramo Génesis 3:6, 23
Eva oendu mboi jaeramo jou jókuae ɨvɨra ia. Javoi omee Adánpe jare jae jouvi.
Jókuae jae reta oyapo vae ikavimbaeko: jókuaeko mbaeyoa. Tumpa omombo Adán jare Eva ɨvɨ ipöragüi.
Tekove yavaima chupe reta jare isambiaɨ reta peguarä. Arasa oasa yave indechima jare opa omanoreta. Mbaetɨko ojo reta arape ani irü kotɨ; jae reta mbaetɨvema oiko.
Omano vae reta ojoye ɨvɨkúirä, mbaetɨma ipuere mbae oyapo Génesis 3:19
Yandeko jae Adán jare Eva iñemuña reta, jaeramo ñamano. Omano vae reta ipuereämako oecha ani oendu ani mbae oyapo reta (Eclesiastés 9:5, 10).
Jehová oipotaä tëiko ɨvɨ pegua reta omano. Michiñoma oata omboekoveye vaerä omano vae reta. Oendu reta yave chupe oiko aveita.
