ZASEŊƆ 4
Ba Yuun Kelese Sitaana La—Bem Eŋɛ Ba?
Adam la Hawa yuun ka kelese Naayinɛ nɔɔrɛ n ta’asɛ ba kum la. Pin’ileŋɔ 3:6, 23
Hawa yuun kelese la bonsɛla la nɔɔrɛ ge di tia la wɔla. Ge me bo a sira Adam ti eŋa me to’e di.
Ba yuun eŋɛ sɛla la ka nari—la yuun dela be’em. Bala ti Naayinɛ yuun sa’ɛ ba Paradiisi la poan.
Bamam la ba kɔma yuun namesɛ mɛ. Ba yuun kuregɛ mɛ ge ki. Ba ka bo’i ki’inteŋa; ba lebe la tontɔnɔ poan.
Pin’ileŋɔ 3:19
Ki’ima ani me wuu tontɔnɔ n gã la.Adam la Hawa yaasi n de to la zuo n sɔi ti to me kiira la. Ki’ima ka nyɛti, ka wuni, ge me kan ta’an eŋɛ sɛsɛla.—Pa’ala 9:5, 10.
Yehowa ka boti ni ti to kiira. La kan yue a wan isige nɛreba kum poan. Ba san kɛlesa en, ba wan vɔna daarewoo.