PAAT 4
Wa Apm Wen Adam an Iiv Lisn tu Sietan?
Adam an Iiv ded bikaaz dem neva lisn tu Gad. Genesis 3:6, 23
Fos, Iiv lisn tu di siniek an iit di fruut. Afta dat, shi kyari som go gi Adam, an im iit som tu.
Dat neehn rait at aal at aal. Dat a did sin. So Gad ron dem out a di Gyaadn a Iidn.
Laif get tof tof fi dem an dem pikni dem. Dem gruo uol an ded. Dem neva ton no dopi; dem jos tap liv.
Ded piipl no av no laif jos laik ou dos no av no laif. Genesis 3:19
Bikaa aal a wi kom fram Adam an Iiv, wi en op a ded tu. Wen sumadi ded, dem kyaahn si; dem kyaahn ier; dem kyaahn du notn at aal.—Ecclesiastes 9:5, 10.
Jeuova neva mek wi fi ded. Suun suun, im a-go mek ded piipl kom bak alaiv agen. Ef dem lisn tu im, dem wi liv fi eva.
You May Also Like
ESSENTIAL BIBLE TEACHINGS
Wa Apm Tu Piipl Wen Dem Ded?
Di Baibl mek wi nuo se jos laik ou Lazaros did ded an get fi kom bak alaiv, wan taim a-go kom wen uol iip a piipl a-go get fi kom bak alaiv pan di ort.
ESSENTIAL BIBLE TEACHINGS
Wa Mek Gad Lou Iivl An Sofarin Fi A Gwaan?
Uol iip a piipl aalwiez a aks wa mek so moch iivl an sofarin a gwaan. Di ansa we di Baibl gi kyan elp wi fi nuo wa mek dat a gwaan, an it kyan elp wi fi fiil beta.
