Ni̱ sinájo̱ʼo Evá ña̱ ni̱ kaʼa̱n koo̱ ta ni̱ sasíán kui̱ʼi yitó kuiʼí. Tá ni̱ ndiʼi, ni̱ síʼa ñá kui̱ʼi yóʼo nuu̱ Adán, ta Adán ni̱ sasí taʼon rá kui̱ʼi yóʼo.

Ña̱ kini kúú ña̱ ni̱ kee na: kua̱chi va ni̱ si̱kuuan. Ni̱ tavá Ndio̱s, Adán xíʼín Evá nuu̱ ñúʼu̱ núchí ni̱ si̱ndoyi na si̱aʼá ña̱ ni̱ kee na.

Nda̱ kivi̱ jaá ni̱ ka̱sáʼá tu̱ndóʼó nuu̱ mií ná xíʼín de̱ʼe na. Ni̱ kusáʼno na ta ni̱ siʼi̱ va na. Ko̱ kuáʼa̱n na̱ indiví; ni̱ naá ná indeé va.

Síʼi̱ yó chi̱ kúú yó de̱ʼe Adán xíʼín Evá. Na̱ ni̱ siʼi̱ ko̱ túvi ka̱ nuu̱ ná ni ko̱ sinájo̱ʼo ka̱ na̱ (Eclesiastés 9:5, 10).

Tá míí si̱aʼa, ko̱ ní káva̱ʼa Ndio̱s Jeová na̱yivi ña̱ ná kivi na. Nda̱á cháá vá kúmani̱ ta jánátaku Ndio̱s Jeová na̱ ni̱ siʼi̱. Ta tá ná kunijo̱ʼo na ña̱ káʼa̱n Ndio̱s kutaku na ndijaá táʼa̱n kivi̱.