VẼNH KANHRÃN 4
Fag tóg Satanás vĩ jẽmẽ mũ sir, ne nỹ fag mỹ hẽn ri ke ke?
Adão kar Eva fi tóg Topẽ vĩ mranh mũ, kỹ fag vỹ kãgter mũ. Gênesis 3:6, 23
Eva fi vỹ pỹn vĩ jẽmẽ kỹ nĩ, kỹ ka kanẽ kó. Kar fi vỹ Adão mỹ ka kanẽ jun, kỹ tóg ti ko mũ gé sir.
Fag vỹ ka kanẽ ẽn ko kỹ, fag vỹ nén ũ kórég han kỹ nỹtĩ, fag vỹ Topẽ vĩ mranh kỹ nỹtĩ. kỹ Topẽ tóg fag tỹ fag nĩnh fã sĩnvĩ tá kãkutẽm mũ.
Kar fag tóg nén ũ jagy e nỹtĩ sir, kar fag krẽ ag. Fag vỹ kófãnfãn mũ, kar kãgter. Fag pi ẽmã ũ ra kagy mũ, fag tóg kãgter pẽ mũ sir.
Ũn kãgter ja ag vỹ tỹ ga funfur ri ke nỹtĩ, fag pi rĩnrĩr nỹtĩ. Gênesis 3:19
Ẽg kar tỹ kãgter tĩ, ẽg vỹ tỹ Adão kar Eva fi krẽꞌkrẽ nỹtĩn kỹ. Ũn kãgter ja ag vỹ nén ũ vigvég tũ nỹtĩ, kar nén ũ mẽgmẽ tũ, kar fag pi nén ũ hynhan tĩ. — Eclesiastes 9:5, 10.
Ũn tỹ ter kỹ, pi Jeová mỹ há nĩ. Kãnhmar ti vỹ ũn kãgter ja ag rĩnrĩr mãn ke mũ. Fag tỹ Topẽ vĩ jẽmẽ kỹ, fag pi hã re kã kãgter ke mũ sir.
