Bynta 4
Ki la Sngap ïa u Soitan—Te la Jia Aïu?
U Adam bad ka Im ki la saitlah ïa U Blei te ki la ïap. Jenesis 3:6, 23
Ka Im ka la sngap ïa uta u bsein bad ka la bam ïa uta u soh. Hadien kata, ka la ai khyndiat ha u Adam bad u ruh u la bam.
Ki la leh ïa kaei kaba bakla. Kata ka long ka pop. U Blei u la beh noh ïa ki na kata ka paradais.
Ka jingim jong ki lem bad ka jong ki khun ki kti jong ki ka la dap da ki jingeh. Ki la ring tymmen bad ki la ïap. Ki khlem leit sha kawei pat ka pyrthei. Ka jingim jong ki ka la kut noh.
Kiba ïap ki long kum ka khyndew, kim don jingim. Jenesis 3:19
Ngi ïap namarba ngi hiar pateng na u Adam bad ka Im. Kiba ïap kim lah ban ïohi ne ïohsngew ne leh ei ei.—Eklesiastis 9:5, 10.
U Jehobah u khlem thmu ïa ki briew ba kin ïap. Shen U Jehobah un sa pynmihpat ïa kiba ïap. Lada ki sngap ïa u, kin im junom.
