Eva kuwaka mambu ya nioka mpe yandi kudiaka mbuma. Na manima, yandi pesaka yau na Adamu, mpe yandi kudiaka yau.

Diambu yina basalaka yavuandaka yimbi—yavuandaka disumu. Nzambi kukaka bau na Paradiso, kisika bavuandaka.

Luzingu ya bau mpe ya bana na bau yakumaka ya mpasi. Banunaka mpe bakufuaka. Bakuendaka ve na yinza ya bampeve; luzingu ya bau sukilaka vana.

Beto kekufuaka samu beto nionso katukaka na Adamu na Eva. Bantu ya kufua balenda mona ve, kuwa ve, kusala mpe diambu mosi ve.​—Longi 9:5, 10.

Yehova zolaka ve bantu bakufuaka. Ntama mingi ve, yandi kefutumuna bantu ya kufua. Kana bamekuwa yandi, bakekufua diaka ve; bakebaka luzingu ya mvula na mvula.