PARTE 4
Miꞌiria ȳt teꞌerenentupꞌi Tupana ehay kape kat asom tuwemoherep iꞌatuepe
Atãu hawyi Ewa ȳt taꞌatumontypotꞌi Tupana miꞌi pote iꞌatukuꞌuro. Ienesi (Gênesis) 3:6, 23
Ahiag̃ miat toiaꞌag̃ hap Ewa ȳt tiꞌakit kuapꞌi miꞌi haype ti tutuꞌu mekewat mikoi sāt. Miꞌi hawyi tohoꞌoj̃um Atãu me hawyi tutuꞌu raꞌyn wy.
Kat asom miꞌiria tunug̃ ȳt nakuꞌi rakat. Iꞌaparap hap. Miꞌi hawyi Ieuwa tiꞌatuporenõꞌẽ raꞌyn Nusuken note pyi.
Taꞌatuꞌaparap hawyi niatpo kahato raꞌyn iꞌatuweig̃neꞌen hap iꞌewȳte iꞌatumempytꞌīn me niatpo raꞌyn wy. Iꞌatupōro hawyi iꞌatukuꞌuro raꞌyn. Aikowoꞌi teꞌeruwat maꞌato teꞌeruweityk.
Ienesi (Gênesis) 3:19
Karāmpe mīt ikuꞌuro hawyi taꞌaipok iraꞌyn yi kape.Torānia watõꞌẽ Atãu hawyi Ewa kaipyi. Miꞌi pote torānia aikuꞌuro. Ikuꞌuro rakaria ȳt teꞌeraꞌakasaꞌi teꞌerenentupꞌi iꞌewȳte ȳt kat kuapꞌi taꞌatunug̃ kuap. (Ekeresiasi [Eclesiastes] 9:5, 10)
Tupana Ieuwa ȳt tikyꞌesat hinꞌi mītꞌīn kuꞌuro hap. Miꞌi pote mesup tān epote Ieuwa tiꞌatumoehaig̃te pakupꞌi hamuat ikuꞌuro rakaria. Tupana ehay kape teꞌeruwanentup pote tukupteꞌen wuatꞌi eꞌāt pe hamuat.