Eva bakotʼta nokjikʼkajak ka juka maata takaria ka bem ka buasáwew téxwarita buaka. Chúkula éntok Adanta a miika, wanay äpo ket a buaka.

Juka bem yäkaw ka türitukay: pecadotukay. Dios Adán éntok Evata jardinpo am yeubeba.

Jú jiápsiwame ame bechïbo éntok a usim bechïbo obiachitaytek. Tiémpomak, oʼolasim ayuka kokʼko. Ka téwekaw bícham sajʼjak, nikaakuni; kielim kaytapo täwa.

Adán éntok Evata bétanate yew sákala. Junen bechïbo, ítapo ket kokokʼko. Jume kokʼkolam katim bitcha, katim jikʼkaja éntok kaytam ara joowa (Eclesiastés 9:5, 10).

Jehová ka sámarim mukiʼai. Ilikʼki tiempo bëye jume kokʼkolam juchi am jiaabitetua bechïbo. Wanay a nokjikʼkajateko, jatwey june ka kokʼkona. Bempo jiba bechïbom jiápsina.