PART 4
U Yubʼajooʼ a Kisini—Kʼuʼ Kämajooʼ?
Aj Adʼan etel ix Eva maʼ u tzʼoksajooʼ a Dʼioso, mentäkä kimooʼ. Genesis 3:6, 23
Ix Eva u yubʼa a kan y u janta u wich a cheʼ. Pachil, u tzʼaj u wich a cheʼ tiʼi aj Adʼan, y u janta.
Leʼek kʼuʼ u bʼetajooʼ maʼ toji—sipil tun abʼeʼe. Dʼios u bʼetaj kaʼ u pʼätooʼ u yaj Kichʼpan Kuuchil.
Chich a kuxtal tiʼijooʼ etelooʼ u chʼisa. Uchbʼenajooʼ y kimooʼ. Maʼ bʼinooʼ ti pixanil; chen jobʼooʼ jumpul.
Genesis 3:19
A kimene maʼ yanooʼ u kuxtal, jabʼixooʼ tanat.Walak ti kimil u men laj etel aj Adʼan y ix Eva taloʼon. A kimene maʼ jedʼeʼek u chaʼan, u yubʼa y maʼax kʼuʼ a jedʼeʼek u bʼetikooʼ.—Eclesiastes 9:5, 10.
A Jehovah maʼ kuchi u kʼati kaʼ kimikooʼ a kristiyaano. Seebʼaʼan u kaʼ likʼsikooʼ bʼoon a kimene. Wa kaʼ u yubʼooʼ a Dʼioso bʼelooʼ u kaʼ tiʼ kuxtal ti bʼebʼeel.