ICIPANDWA 4
Acani Cino Cafumile mu Kwivwila Satana?
E Adamu nu Eva wafwile, amuno wativwizile Leza. Intaliko 3:6, 23
E Eva wivwizile inzoka apano alya icikomwa. Pa nsinzi wapileko Adamu ne alya.
Waaluvinye pa kucita coo, calinji a luwembu. E Leza wawawinzile muno wikalanga mu Paradaise.
Watalisile ukuyimba na wana wawo. Wakosile awafwa nu kufwa. Watapilusile imizimu. Yoo, yalinji a mpelelecezyo yawo.
Awafwe watawa nu wumi ndi vino itukumbu nalyonye litawa nu wumi. Intaliko 3:19
Naswe tukafwa mo e Adamu nu Eva a wakwasi witu. Awafwe watawa na maka aya kwivwa, ukulola nanti ukucita icili consinye.—Ekawizya 9:5, 10.
E Yehova atalondanga awantu wawafwa. Nombanye alizyulupula awafwe. Nga wiza wamwivwila, waliikala amanda pe.