Parte 4
¿Däje ʼcuäopinaʼa Satanás ähuettärö ttä̧ju̧cuo̧mȩnä̧mä̧?
Esetocotö pi̧nä̧tö̧ Diosrö, ja̧ʼhua̧nö̧ ja̧ʼa̧ttö̧, Adánʼinä, Evaʼinä ʼcorujuoächinätödo (Génesis 3:6, 23)
Evamä esetinäju äcarö, dauttu u̧huä̧ju̧ba cuinäju. Cuajäʼcaju iyinäju Adánrö ucua päʼö. Ja̧ʼhua̧nö̧ ja̧ʼa̧ttö̧ cuinö.
U̧huä̧ju̧ba cuajäʼcotö Diosrö esetocotö pi̧nä̧tö̧do. Ja̧ʼhua̧nö̧ ja̧ʼa̧ttö̧, Diosmä raepö icuinö Adánrö, Evaröʼina pätta adihuä juäi kacuomettö.
Ttö̧jo̧mȩnä̧ ʼcuäopönätä huȩnȩ rö̧ȩnä̧ ku̧nä̧ri̧nä̧tö̧, jitörötä jö taʼanö tti̧tti̧mö̧rö̧ʼi̧nä̧. Böäcuächinätö, ʼcorujuoächinätö. Mo̧ro̧jä̧ra̧ʼa̧ʼi̧nä̧, ka̧ra̧ʼi̧nä̧ ʼchocotö pi̧nä̧tö̧. Toʼepächinätödo.
ʼCorujuoächätömä redäʼca i̧sa̧ppȩ joachätö, koro juäinä jȩpo̧co̧tö̧ (Génesis 3:19)
Adánttö, Evattö ichätöja oʼca toiʼönä. Ja̧ʼhua̧nö̧ ja̧ʼa̧ttö̧, ʼcorujuoächätöja. ʼCorujuoächätömä topocotö, ä̧ju̧cuo̧co̧tö̧, koro juäinä jȩpo̧co̧tö̧ (Eclesiastés 9:5, 10).
Jeohua kuʼcocu pi̧nö̧ ttö̧ja̧ ʼcorujuottächiyäru päʼö. Yodojinänö ttoä̧dä̧cua̧ ʼcorujuoächinätörö. Ttesetöttömä yoröiso ʼcorujuottächiyäcuotö. ʼCuäopönätä ttö̧ja̧cua̧cuo̧tö̧.
