EGEITE 4
?Asa Kistal En Longlong Rasien One Alu?
Adam keilu Iv, lu longlong ras lu mat. Senesis 3:6, 23
Iv long ren tetal, ka kan heiae. Ka sani min Adam, ka Adam emun kani.
Lu mumon tisaien min Ahi, ka Ahi silalat keilu en ah Iten.
Longlongien ras onealu, sakini moulien one alu mekeih, ralmin titaealu keil. Lume lumatu, lumat, luva ris en atan. Moulien onealu vus.
Koa keil umat, asakras emun avoumon ita tounah. Ovaris avi atan. Senesis 3:19
Meatin keil amul omat kosa, veni akistal en Adam keilu Iv. Ka navong meatin mat lilien onen, longlongien onen, rentemien onen, ka ileileien onen, tovuol emun.—Eklisiastes 9:5, 10.
Iahova en rovate ke meatin keil avamat. Sakini hervite tueitin koa keil umat imemearis. Ka navong ilong kat, Ahi hesan ris moulien ven keil koa hervus teimun.
