N’OCHUFWENYAJ 4
Lhamel toj tachʼahuye pʼante Satanás, ¿atsi mʼak toj iyej pʼante?
Adán wet Eva tachʼahuhiyetʼa pʼante Dios toj malhyejtso yʼinhen pʼante (Génesis 3:6, 23).
Eva iwoye pʼante mʼak toj amlhataj yome wet tuj halʼo lha toj Dios nʼayejo che tuj. Toj paj, hiwʼenho Adán halʼo lhatso wet hate tuj pʼante.
Tajtso toj lhamel iwoye isitʼa pʼante: hope nʼochʼisukyaj. Toj malhyejtso, Dios itiyej kanhi pʼante lhamel toj ihi honhat toj wʼatshan wet isilataj.
Toj paj mʼak toj lhamel ihi wet leles atha pʼante. Toj paj, hichʼuthen wet yʼinhen pʼante. Ihohiyetʼa pele wok lhip che hope, tajlhamet toj noj toj iche pʼante.
Wichi toj yʼinhen pʼante yapnho honhat mok wet iwohiyetʼa che iwoye mʼak che hope (Génesis 3:19).
Nilhokej namel natalhe Adán wet Eva. Toj malhyejtso, hate nayʼinhen. Wichi toj yʼinhen nemhit hiwʼenche honhat, nemhit ilatche honhat wet iwohiyetʼa mʼak che hope (Eclesiastés 9:5, 10).
Heowa tʼuhitʼahlak wichi yʼinhen. Tatay lhimpaj lewhay wet ilayhthichehla wok yachajohla toj hiwʼenhomche nʼowʼatshancheyaj wichi toj pajche yʼinhen. Chik lhamel tachʼahuye Dios, yʼinhenhitʼala, ilayhichehla pajlaʼtha tiyajʼattsiy.
Hate nʼalej toj iwoyek lehumin
ESSENTIAL BIBLE TEACHINGS
¿Atsi mʼak toj iyej wichi toj yʼinhen?
Malhyej iwoye pʼante Lázaro, hop Biblia yome toj ihichela ifwalas toj wujpey wichi toj yinhen yachajohla toj ilayhiche.
ESSENTIAL BIBLE TEACHINGS
¿Atsi mʼak toj tamenej toj Dios inuhitʼahla toj iche nʼotelaythayajay?
Wujpe wichi tay’atshan lhamejen, ¿atsi mʼak toj tamenej toj Dios inuhitʼahla toj iche nʼotelaythayajay? M’ak toj Biblia yome nichulho n’oy’atshanyajtso wet naikhajyenhen..
