Hawa ŵapikanile lijoka, ni kulya chisogosi chila. Kaneko ŵampele Adamu, ni jwalakwesoni ŵalile.

Yaŵatesileyi yaliji yakulemwecheka, soni waliji ulemwa. Mlungu ŵakopwesye mu Paladaiso, kukwaliji kumangwawo.

Umi waliji wakusawusya kwa jemanjaji ni ŵanache ŵawo. Ŵachekulwipe, kaneko ŵawile. Nganajawula kumalo ga misimu. Umi wawo wamalile papopo.

Tukusawa ligongo lyakuti wosope twatyochele kwa Adamu ni Hawa. Ŵawe ŵangakomboleka kulola kapena kupikana, soni ngaŵa mkutenda kalikose.—Jwakulalichila 9:5, 10.

Yehofa nganasaka kuti ŵandu aweje. Pachangakaŵapa chachajimusya ŵawe wosope. Naga chachimpikanila jwalakwe, chachitama ni umi wangamala.