Адам ла Евада балдар чыккан, анайып јердиҥ ӱстинде улус кӧптӧгӧн. Бир канча ӧйдӧҥ кезик ангелдер Сатананыҥ тӱймеенине бириккендер. Олор јерге тӱжӱп, ӱй улусла алыжарга, кижидий эт-кан алынгандар.

Ӱй улус кижидеҥ башка сӱреен бийик сынду, ийде-кӱчтӱ, казыр-калју балдар чыгарган. Телекей јаман улусла толо берген.

«Јер-ӱстинде улустыҥ кылык-јаҥы ӱрелген... јӱректериниҥ ончо санаалары јаантайын јаҥыс ла јаманга тартылган [болгон]» деп Агару Бичикте айдылат.

Ной јакшы кижи болгон. Иегова Нойго јаман улусты чайыкта јоголтып саларга турганын айткан.

Анайда ла ок, Иегова Нойго сӱреен јаан кереп эмезе ковчег тудуп, ары билезин ле јӱзӱн-башка бӱдӱмдӱ тындуларды алзын деп јакарган.

Ной улуска јууктап келеткен чайык керегинде айткан, је олор оны укпагандар. Кезиги Нойго каткырышкан, кезиги дезе оны јаман кӧргӧндӧр.

Ковчег белен боло берерде, Ной ары тындуларды кийдирген.