Adam bo Éva ba gwal bon, ni bôt ba bôl hana isi. Mbus ngéda, biañgel bihogi bi adba ni Satan ikété ngolba yé.

Bi lo hana isi, bi yoñ manyu ma bôt le ndi bi la bii bôda. I bôda ba ba gwal mimpémba mi bon mi mi bé nyai kiyaga.

Nkoñ isi u yon ni bôt ba bé boñ mam mabe. Bibel i nkal le: “Béba i mut i ba keñi hana isi, ni le hégda yosôna i mahoñol ma ñem wé i ba ndik béba ngéda yosôna.”

Nôa a bé loñge mut. Yéhôva a kal Nôa le a ga tjé bibéba bi bôt ni njel ntida malép.

Djob a kal ki Nôa le a bañ soso sitima ba bé sébél le nkuu, mu nyen a jubus lihaa jé ni ndôñ nuga yosôna.

Nôa a béhe bôt inyu malo ma ntida malép, ndi ba bé emble bé. Jôga li ndegle Nôa; bape ba oo nye.

Ngéda a mal maoñ ma nkuu, Nôa a jubus binuga mu ikété.