YOTAANTSI 5
Itimabeitani Noeni, ¿jaanika kemisantajeitiriniri Tasorentsi?
Itimabeitani Noeni, yora atiripee yantayetakero kaari kameetsatatsi (Génesis 6:5).
Yora Aran aisati Eva itimakeri itomipee, irootake ishekitantakari ishaninkapee kipatsiki. Anta inkiteki aparopee inampire Tasorentsi yoijajeitakeri Kamaari aisati ipiatsajeitakari Tasorentsi.
Inampirepee Kamaari yaniireapaake kipatsiki, yatiritapaake, yaakero tsinane ijinantyari, otimakeri otomipee antyaritsantsayetatsiri, irintini kisachari, yantayetakero kaari kameetsatatsi.
Irootake ishekitantakari atiripee kaari kameetsa kipatsiki. Iriñane Tasorentsi okanti: “Osheki katsini kaari kameetsatatsi yantajeitakeri atiripee, ikantani ikenkeshiretapinijeitakero irantajeitero kaari kameetsatatsi”.
Ikemisantasanotakeri Noeni Tasorentsi, aisati yobetsikakero antaroite pitotsi (Génesis 6:13, 14, 18, 19, 22).
Yora Noeni kemisantatsiniri. Ikantakeri Yioba Noeni: “Notsonkajeiteri antirori kaari kameetsatatsi, irootake ompariantyarori antaroite inkani”.
Ikantakeri Tasorentsi Noeni: “Pibetsikero antaroite pitotsi, impoiji pintejeiteri pishaninkapee aisati piratsipee”.
Ikamantajeitakeri Noeni pashini atiripee: “Korake oonkaro”, iro kantaincha te inkemisanteriji, ishirontimentakari, ikisasanotakeri.
Itsonkakero yobetsikakero Noeni antaroite pitotsi, impoiji itetakeri piratsipee tsompoinaki.
