Baaba Aadama e neene Hawaa heɓuno ɓiɓɓe. Yimɓe ɓen ɗuuɗuno ka aduna. Ontuma, malaa’ikaaɓe go’o murti, ɓe tawti Seytaane e yeddugol Allah.

Ɓe tippino ka aduna gaa, ɓe waylii yimɓe fii jommbugol rewɓe. Ɓen rewɓe heɓanno ɓen malaa’ikaaɓe ɓiɓɓe toowuɓe e dolnuɓe.

Aduna on heewuno yimɓe bonɓe waɗooɓe piiji bonɗi. Deftere Allah nden wi’i : “ Bone neɗɗanke on tiiɗii ka hoore leydi, ɲande woo ɲande anniyee ɓernde neɗɗanke nden ko ko boni tun miijotoo. ”

Annabi Nuuhu hari ko aaden feewuɗo. Yahuwah daalani mo, o muloyay yimɓe bonɓe ɓen ka waamere.

Allah daalani mo kadi, yo o moƴƴin laana, o naada ɓeynguure makko nden e kulle ɗen ka kala ɗiɗi ɗiɗi.

Annabi Nuuhu waajino yimɓe ɓen fii ko aroyta, kono ɓe jentanooki. Woɓɓe jaluno mo ; woɓɓe go’o aɲi mo.

Ɓayri o gayni moƴƴingol laana kan, o naadi ɓeynguure makko nden e kulle ɗen.