Adán ha Eva heta ifamília ha péicha hetave hénte oĩ ko yvy ape ári. Upe rire heta ánhel omoirũ Satanáspe ha opuʼã Ñandejárare.

Haʼekuéra oguejy ko yvýpe ha oñembohete kuimbaʼéicha ikatu hag̃uáicha omenda umi kuñáre. Upéi umi kuña imemby ha umi ifamília tuichaiterei ha imbarete umi animál salváheicha.

Ko yvy henyhẽ vaʼekue umi persóna ojapóvagui umi mbaʼe ivaíva. La Biblia heʼi: “Umi hénte iñaña ha ojapo hetaiterei mbaʼe vai ko yvy ape ári, ha tódo el tiémpo opensa hikuái ojapo hag̃ua ivaívante voi”.

Noé katu ivuéno vaʼekue. Jehová heʼi chupe omboutaha peteĩ dilúvio ohundi hag̃ua umi iñañávape.

Ñandejára omanda Noépe ojapo hag̃ua peteĩ várko tuicháva, oñehenóiva árka, ha heʼi chupe omoinge hag̃ua pype ifamília ha opaichagua animál.

Noé oavisa umi héntepe outaha pe dilúvio, péro haʼekuéra nohenduséi. Oĩ opukáva hese ha ótro katu ndaijaʼéi voi hese.

Ojapopa rire pe árka, Noé omoinge pype umi animálpe.