ỤPA 5
Ukpenyi Ọtụka-ọtụka—Owo À Tị́ Ke Ụrụ-ụ̀? Owo À Tị́ Ke Uru Ka-à?
Angịnyi lụmẹ-lụmẹ ịlụka nya iNuwa kaa họ ang inyibyi. Ọmwụ Ọdada 6:5
Adam bala Iivu ma anyị dudu ká angịnyị lụmẹ odehe. Ọ nọ chẹẹ lẹ, alegu-ẹrụ ịhyẹ à chị ẹkpẹ ju Olegu Onyobyi la egbeju-ọngịrị ta Ohe Oluhye ẹẹ.
Ị wẹ odehe lẹ, ị da ugba nya angịnyị ehe kụrụ chajị ki ka jẹ́-ẹ ye ịhụ ẹẹ. Anyang ịịwa ma anyị ịtụka-ịtụka, ịlẹ kị la ọngịrị yẹẹyẹẹ bala ọ-la ọkwọ.
Odehe myị̀ la angịnyị ịlẹ kị kaa họ ang inyibyi. ỊBayịbụụ yẹkẹẹ, “angịnyị ehe la egbeju ọnyọọngịrị lụmẹ kaka kpoye. Irya omeme ọlẹpwụ nya ọngịnyị ehe ụka ọọwa wuu, myị la ang onyobyi kem.”
INuwa ke ụrụ wo ẹla nya Ohe Oluhye, ọ kọ ụmwụ ọtụka-ọtụka. Ọmwụ Ọdada 6:13, 14, 18, 19, 22
INuwa ri ọngịnyị ọnyịịla. IJihova byi iNuwa nyori ọwa nyị ja ka ta angịnyị inyibyi ayịreji la ukpenyi ọtụka-ọtụka.
Ohe Oluhye myịmyị byi iNuwa nyị kọ ụmwụ nya enyi ọtụka-ọtụka, ká ọwa, ugbeyigu nyamwụ wuu bala ụma nya iyo ọnyị myị́ ọnyị ka ju ka ẹpwụ nyamwụ.
INuwa da angịnyị ọna u-uhye nya ukpenyi ọlẹ kọ wẹẹ ka do, ị́ tị ke ụrụ ka. Angịhyẹ kaa hụlọ ẹhụ ju iNuwa; angịkịla bọọ ẹtẹ.
Ụka ká iNuwa kọ ụmwụ kpá, ọ kpa iyo ka ẹpwụ nyamwụ.
