Adam kpai If bi amaimọtọ, oñwu amonẹ chanẹ ewewe anẹ ilẹ. Idẹpẹẹ uchẹ amonuchẹ ka mọlama du dama kpai Setan oñwu ma mubi dagba Ọjọ.

Ma le wanẹ ilẹ oñwu ma mọla ma du da ẹnẹkẹlẹ kuma neke nẹ ọya. Oñwu ma chanẹ ebiọma ki nukpahiu tẹgwu le taku ma ch’amẹnẹ ukẹdọfulu ki nukpahiu lile.

Ilẹ i chẹ kọ kpai amẹnẹ bibi. Baibul che ka “k’ẹbiẹnẹ onẹ chololo anẹ ilẹ k’ibe duu kidẹdọ ñwu kia ñwa chẹbiẹnẹ gbogbo dọjọ.”

Ẹnẹkẹlẹ omẹlẹlẹ Noa che. Jihofa ka ñwu Noa kakini yana kpamẹnẹ ẹbiẹnẹ kwu kpai uwobi omi lile.

Ọjọ ñọ ka ñwu Noa ki fọkọ lile kọ ki la mabo akwọra unyi ñwu kpai amẹla ojoji ojoji ko nyu efu ñwu.

Noa che famonẹ eti kakini uwobi omi ana wa, ama amonẹ neti ru n. Aboka kwo ta nyianyi, aboka la kwota chulaka ñwu.

Alu ki fọkọ lẹ kpoji, Noa mamẹla konyu efu ñwu.