Adamu namu Eva vandivavaleka vana, na vanu vandiva voe mushilambo. Vanjelo vanji vandilyunganianga namu Shatani na vakava vamongo va Nnungu.

Vanao vandida pai na vandilikandyangidya mili wavanu pakulota vavalombe vakongwe. Vakongwe avó vandivavaleka vana vakulepanga namene, vakujowa na vakulindimalanga.

Mushilambo vandyumbala vanu vashitenda vinu vyashikalau. Ibibiliya inkutangola kenga: ‘Vitendo vyakunyatanga vyavanu mushilambo vindimamodya na makumbukililo ao andiva ngwengwe akunyata.’

Noe ave munu wambone. Yeova andimwaulila Noe kenga andavamalila vanu vakalau na livambwe likumene.

Nnungu andimwaulila Noe adenge ingalava ikumene pakulota ainjile nae na likola lyake na kula likola lyavanyama.

Noe andivaulila vanu kwida kwa Livambwe, kanji vanao havamwigwilidile. Vanji vashinamweka Noe; na vanji vashinamangedya.

Ingalava ayo ikamalilike, Noe andivatwala vanyama na andivajela nkati.