TSHITUPA 5
Mu tshikondo tshia Mvula wa kabutu: Mbanganyi bakateleja Nzambi? Mbanganyi bakabenga?
Bantu ba bungi ba mu tshikondo tshia Noa bavua benza malu mabi. Genese 6:5
Adama ne Eva bakalela bana, bantu e kuvulangana pa buloba. Kadi matuku mamane kupita, bamue banjelu bakatombokela Nzambi, kulamatabu Satana.
Bakalua pa buloba, kuvualabu mibidi ya bantu bua kuselabu bakaji. Bakaji abu bakalela bana ba mpolondo bavua ne bukole bua bungi ne tshikisu.
Buloba buakuula tente ne bantu babi. Bible udi wamba ne: ‘Mibi ya bantu yakadiundadiunda munkatshi mua ba pa buloba ne meji avuabu bela mu mitshima yabu avua mabi matuku onso.’
Noa wakateleja Nzambi, e kuenzaye buatu. Genese 6:13, 14, 18, 19, 22
Noa uvua muntu muimpe. Yehowa wakamuambila ne: ndi mbutula benji ba malu mabi ne mvula wa kabutu.
Nzambi wakamuambila kabidi bua kuenza buatu bunene bua kubuejamu bena mu dîku diende ne nyama ya mishindu yonso.
Noa wakadimuija bantu bua Mvula au, kadi kabakamuteleja to. Bamue bakamuseka; bakuabu bakamukina.
Pakajika buatu, Noa wakabuejamu nyama.
