Kʼo trʼii e Adán ñe e Eva go nga̱ra̱ji na punkjꞹ kja ne Xoñijomꞹ. O bʼꞹbʼꞹ anxe kʼo dya o tsjaji kʼo mi nee e Jehová, o tsjaji kʼo mi nee e Satanás.

Kjanu o e̱ji kja ne Xoñijomꞹ, dya kja mi ngeji anxe, mi ngeji nzakja yo ntee. Go chjꞹntꞹbi ko xuntrʼi kʼo mi ka̱ra̱ kja ne Xoñijomꞹ. Kʼo trʼii kʼo o muspʼꞹji me ma nrra̱ʼa̱ji, me ma zezhiji, me ma sʼoji. Kʼo ntee mi kjaji kʼo dya ga joo.

Ne Biblia mama kʼo ntee me ma sʼoji, mi kjijñiji kʼo na sʼoo, pama pama mi kjaji kʼo dya ma joo.

E Noé me ma jontekʼꞹ, e Jehová o xipji: Ra pejñego na trʼadyɇbʼɇ ngekʼua ra nrru̱u̱ nrrexe yo ntee yo na sʼonte.

Xo go xipji: Ri tsjage na arca, ri tsjokʼꞹ yo añimale ñe in pjamiliage.

E Noé mi zopjꞹ yo ntee mi xipji e Jehová ro pejñe na trʼadyɇbʼɇ ngekʼua ro chjotꞹ yo ntee. Dya o ngotrʼpꞹji ñiʼi, mi trjembeji, mi sadʼꞹji me mi ꞹmbꞹji e Noé.

Ma e Noé o nguarꞹ o dyⱥtrʼⱥ kʼe arca, o tsotrʼꞹnu na punkjꞹ añimale.