Ádã̀ wà e na ĺì o nɛ́ ye. Mia sùu e kɛ gbaa kpóṹlà gbùò. Lɛ̀ e kɛ gbaa Wálà la vɔ̀ mìàa dò o Wálà wè tó o dà Sétɔ̃̀ píé.

O zì gbĩ kpàla lɛ e kɛ o mɔ̀ lɛ̀í sɛ̀lɛ̀ yía wa ɓo o mɔ̀ o nu kpóṹlà o mi gbĩ kpàla si, o gbɛ̃̀ gbaa wáà loà sì o dìè lɛ̀ɛ. Nɛ́ wa ye loà o kília mɔ̀ɔ o kɛ gbùò gbùò, mɛ́ gágà zɛ̀ é dieá mia ɓɔ̀ɔ là.

Kpóṹlà e pa gbaa sɔ̃̀ɔ̃ yɔɔ mìà ká lɛ̀ séĩ́-séĩ́ mɔ̀. Bàábò a gèe: “Mia zì yɛ́lɛ́táá wɔ̃̀ lɛ́ e kɛ o zò píé kpóṹlà zèea e kɛ sɔ̃̀ɔ̃ yɔɔ kɛɛ̀ɛ ka teele.”

Nóà e kɛ mi sɔ̃̀ɔ̃ yìè zɛ̀ ka. À mɔ́ɔ̀-wɔ̃̀-mɔ̀ɔ, Zìhóvà a gèe à lɛ̀ɛ, lɛ́ɛ̀ lo sɔ̃̀ɔ̃ yɔɔ kɛ mìà yisíè yíí paàa gbùò ka.

Wálà a gèe zeĩ́ Nóà lɛɛ e gɔɔɔ gbùò kpó-kpó kɛ wà là mia nì, é kpɔ́a wìì vɔ̀ sùu gbɛɛ̀ gbɛɛ zɛ̀ o wɛ̃́ĩ̀.

Nóà e yíí Paàa e kília nu wɔ̃̀ gèe miàa lɛ̀ɛ, kɛɛ òó gbaa o tóó dɔ à mɔ̀. O gbú o yéí sí à mɔ̀, o dò bɛ̃̀ɛ̃ òó gbaa naa ó à gɛ̃̀.

Lɛ̀ e nyɛ gɔɔɔ kɛɛ̀ɛ mɔ̀ɔ, é ló wìì vɔ̀ɔ ká à yí gbaa.