TLAMACHTILI 5
¿Ajkia inijuantij kitlakakilijkej toTeotsij kema tlauel uetski atl?
Kema itstoya Noé miakej san tlemach tlachiuayayaj (Génesis 6:5)
Adán uan Eva kinpixkej ininkoneuaj, uan kiampa maseualmej momiakilijkej ipan Tlaltipaktli. Teipa, sekij iluikaeuanij nojkia kichijkej kej Satanás uan kiijixnamijkej toTeotsij.
Ni iluikaeuanij ualajkej ipan Tlaltipaktli uan mokuepkej kej maseualmej pampa kinekiyayaj mosiuajtisej. Kinpixkej ininkoneuaj katli amo elkej kej tojuantij, eliyayaj tlauel tetikej uan mosisiniyayaj.
Ipan nochi Tlaltipaktli, maseualmej san tlemach tlachiuayayaj. Biblia kiijtoua: “Nelmiak inintlaixpanoljuaj tlakamej ipan Tlaltipaktli uan nochipa moyoliljuiyayaj tlen axkuali kichiuasej”.
Noé kineltokak toTeotsij uan kichijki se akali (Génesis 6:13, 14, 18, 19, 22)
Noé eliyaya se kuali tlakatl. Jehová kiiljuik Noé kichiuaskia ma tlauel uetsi atl, nopaya kintsontlamiltiskia katli san tlemach tlachiuayayaj.
ToTeotsij nojkia kiiljuik Noé ma kichiua se ueyi akali, uan nopaya kinkalakiskia ichampoyouaj uan tlen ueli tlapialmej.
Noé tematiltik tlauel uetsiskia atl, uan amo kineltokakej. Sekij san kiuetskilijkej uan sekinok kikualankaitakej.
Kema kisenkajkej nopa akali, Noé kinkalakik tlapialmej.
Tlen nojkia mitspaktis tikitas
BIBLIA, ¿TLAKE TLAMACHTILI KIPIA?
Momanauijkej kema tlauel uetski atl
¿Kenke miakej maseualmej pejkej kichiuaj tlen amo kuali ipan Tlaltipaktli? ¿Kenijkatsa kinextik Noé kineltokayaya toTeotsij?
