Adán wa̱n Eva kipiakej ipilowa̱n, wa̱n de ompa komatiakej tajta̱gamej wa̱n siwa̱tkej pan Ta̱jli. De ompa, seu’mej angelmej kichijkej ijkó̱n ken Tsitsimi’ akitajto̱lkakikej Dios.

Iní̱mej angelmej yej aye̱ktimej temojkej pan Ta̱jli wa̱n mochi̱wakej tajta̱gamej iga mamona̱miktikan wa̱n siwa̱tmej. Kipiakej ipilowa̱n yej aye̱ktimej wa̱n kipiayaj más tajpal ke seu’mej.

Ta̱jli te̱mi’ de tajta̱gamej wa̱n siwa̱tkej yej aye̱ktimej. Itajto̱l Dios kijtowa iga pan nochi Ta̱jli mochijtoya yej aye̱kti. Tajta̱gamej wa̱n siwa̱tkej nochipa tajla̱ntoyaj iga makichi̱wakan yej aye̱kti.

Noé yajki se̱ ye̱kti ta̱ga’. Jehová kijlij: «Niá nikpolo̱ti yej kichi̱waj yej aye̱kti wa̱n se̱ weyi a̱te̱milis».

Kijlij makichi̱wa se̱ weyi gaxo̱n, o kuakal. Moi̱xmati ken a̱ka̱l de Noé. Dios kijlij makiaki ompa isiwa̱, ipilowa̱n wa̱n isiwa̱monwa̱n; wa̱n de inochi yo̱lka̱mej, se̱ okich wa̱n se̱ siwa̱.

Noé kijlij tajta̱gamej wa̱n siwa̱tkej: «Yawi a̱te̱miti Ta̱jli», wa̱n yejeme̱n akikakikej. Sekin kipi̱najtijkej, wa̱n sekin kuejkuesiwikej.

Ke̱man Noé tami’ kichij a̱ka̱l, kakij nochi yo̱lka̱mej.