Adan vxite Eva luuçx jiꞌphuneꞌta, seena pehnaneꞌta naa kiwete. Txaꞌwẽy Dxus puꞌyakhsa weskwe nxuneꞌta, khĩiçxa Dxusas wẽseꞌj meeçxa eçxtheꞌj neꞌta nxu.

Puꞌyakhsa ewmeesa ẽeju thegna neꞌta ũsuꞌ. Khĩiçxa uꞌy zxiçxkwesa ũsteneꞌta uy. Khĩiçxa seena wẽdxneꞌta txãsaneꞌta naa kiwete nasa naꞌwẽy yuunxa yuweꞌ. Khĩiçxa ptãamuneꞌta, txãaju zxikweꞌsx ewmeesa jiꞌphuneꞌta, nasate thakwee neꞌta çxãçxayũꞌ.

Dxus eçte tasxiꞌk, naa kiwete nasa ewmeesa utane, txãahneꞌta nasayuꞌ ewmeesaçxayũn ũsuꞌ, bagaçxtewa ewmeesaꞌs yeehkxnaçxaneꞌta ũsuꞌ.

Txãa Nue piçthẽꞌj meh seena ewsa yũꞌhne. Txãahneꞌ Jeuwa tasxka nasa ewmeesatxiꞌs, ĩkh yutaçxa jxuka paꞌbaya.

Dxus yu vxitkaane Nues fxtũ kajawala endakhan. Nue kaban kaahçxa eꞌs yu uꞌkaneꞌta nueꞌyat pweꞌsx yakh, txaꞌwẽy tahkx mawꞌsawa uꞌkawaja vxit.

Nue ptaꞌsxne nasa jxukasatxis, Dxusa tasxya jxkaahnee ĩkh kautayawaçxa, nawa nasa wẽseꞌj meneꞌta, ĩiçxaneta pewsxihka vxite ineꞌnta ũsxaçxa.

Nue fxtũ kajawalas kaban kaaçxa tahkxtxis dxiite ãsxne.