PUNTO 5
Noé punzhaunai ¿piguna Diosta uyanuca?
Noé punzhaunai runauna irus ruraigunara ruranuca Génesis 6:5
Adán Evas huahuaunara charijpi Allpai runauna miranuca. Shuj angelgunas Supai cuinta Diosta mana casunuca.
Paiguna Allpama irgusha runa aichara apisha huarmiunahua casaranuca. Shinzhi, milli churiunara charinuca.
Allpai mana ali runaunami tiaca. Bibliai nin, runauna mana ali iyaihua, ruraihuas tucui hurasguna causanuca.
Noega Diosta casusha atun huamburina cajara rurarca Génesis 6:13, 14, 18, 19, 22
Noé ali runami aca. Jehová paita rimaca, atun tamiai mana ali runaunara tucuchishami nica.
Paita rimaca, shu atun huamburina cajara rurangui. Chibi camba aillura, tucui tunu animalgunaras ucui churangui nica.
Noé shuj runaunara atun tamia shamungaraun nijpis, paiguna mana uyanucachu. Huaquinguna asinuca shujcunas piñarinuca.
Atun huamburina cajara rurashca huasha animalgunara icuchica.
