Ua tamariihia Adamu raua Eva, e ua rahi te taata i te fenua. I muri aˈe, ua tahoê te tahi mau melahi i roto i te orure hau a Satani.

Ua pou mai ratou i te fenua e ua rave i te tino taata no te faaipoipo i te mau vahine. Ua fanau tera mau vahine i te mau tamarii tamaroa e ua riro ratou ei aito teitei e te puai rahi.

Ua î te fenua i te taata i te rave te ohipa ino. Te na ô ra te Bibilia: “E ino rahi to te taata o te ao nei, e ua ino anaˈe te mau manaˈo atoa, e te mau opuaraa atoa o te aau i te mau mahana atoa ra.”

E taata maitai Noa. Ua parau Iehova ia ˈna e e haamou Oia i te feia ino i te diluvi.

Ua parau atoa te Atua ia Noa ia hamani i te hoê pahi rahi, parauhia e araka, e ia tomo to ˈna utuafare e te mau animara rau i roto.

Ua faaara Noa i te taata e e tae mai te diluvi, aita râ ratou i faaroo. Ua faaooo vetahi e ua riri te tahi atu ia ˈna.

I te otiraa te araka, ua aratai Noa i te mau animara i roto.