Адам биле Ева ажы-төлдүг апарган, ынчангаш бүгү чер кыры кижилер-биле долган. Сөөлзүредир дээрниң чамдык төлээлери Эрликтиң үймээнинге каттыжа бергеннер. Олар черже дүжүп келгеш, херээжен кижилерни кадай кылдыр алыр дээш, кижилер кылдыр хуула бергеннер.

Херээженнерден анаа эвес ажы-төл төрүттүнүп турган. Олар кончуг улуг-шыырак болгаш каржы чораан. Чер кыры каржы-бак кижилер-биле долган.

Библияда бижээн: «Оларның бүгү бодалдары үргүлчү-ле каржы-бак чүүлче угланган болган».

Ной буянныг кижи турган. Иегова каржы кижилерни суг халавынга узуткаар деп турарын Нойга дыңнаткан.

Оон аңгыда Бурган Нойга дыка улуг бажың-хемени тударын база ынаар өг-бүлезин болгаш янзы-бүрү амытаннарны киирип алырын айыткан.

Ной суг халавының чоокшулаанын кижилерге сагындырып турган, ынчалза-даа олар дыңнаар хөңнү чок болган. Оларның чамдыызы Нойну кыжырып турган, а өскелери ону көөр хөңнү чок турган.

Кажан бажың-хеме болу бээрге, Ной дириг-амытаннарны ынаар киирип алган.